سليمان عيد هيبقى أعمى ومش هقول إن أكرم حسني البطل.. أبرز تصريحات المخرج مجدي الهواري عن فيلم “الناظر” الجزء الثاني
كتبت/ مي السايح
كشف المخرج مجدي الهواري عن تحضيرات الجزء الثاني لفيلم الناظر، وذلك خلال حضوره في برنامج “مذكرات طايشة”، وأعلن عن وجود الفنان سليمان عيد خلال الأحداث ولكن سيكون كفيف.
قال مجدي الهواري : “إحنا دلوقتي بنجتهد وبنختار ما بين إننا نعمله مسلسل 15 حلقة أو فيلم الناظر ونقدم ابن الناظر، ونقول إن ابن الناظر كبر، ومش هقول إن أكرم حسني هو بطل العمل، لأنه بيزعل لما بقول كده وهو لسه موقعش عقد الفيلم، والحقيقة إنه مرشح للبطولة”.
تابع الهواري: “وبعدين بييجي اللمبي وابن أحمد حلمي في الأحداث، وبسمة بتكبر في الفيلم، وبنبدأ القصة من عزاء جواهر والبطل الجديد”.
استكمل : “سليمان عيد هيظهر أعمى في الجزء الجديد وبيروح بأولاده المدرسة ويعمل بها وهو كفيف علشان محدش يدور وراه، وبسمة بتكبر وبتبقى عارفة عبدالرسول، وكمان هيشارك بيومي فؤاد”.
يُذكر أن، آخر أعمال مجدي الهواري الإخراجية مسلسل “دايمًا عامر”، الذي عُرض في الموسم الرمضاني الماضي 2022، تأليف أيمن سليم ومايكل عادل، تحت إشراف المؤلف أحمد عبدالفتاح، وقدم بطولته مصطفى شعبان، وشارك به عدد من النجوم منهم لبلبة، صلاح عبدالله، محمد ثروت، وكريم عفيفي.
