“أنا معجبة بشخص معين”.. رانيا يوسف تثير الجدل بشأن ارتباطها

كتبت/ نوران عسكورة

تصدرت الفنانة رانيا يوسف خلال الفترة الماضية محركات مواقع التواصل الاجتماعي، لإعلان دخولها في قصة حب مع رجل يكبرها بـ 4 سنوات، وسرعان ما تحول الأمر للنفي، وذلك خلال وجودها في مهرجان أسوان لأفلام المرأة.

عقبت رانيا يوسف على ارتباطها وإمكانية زواجها نافيه دخولها في قصة حب، قائلة: “هو فين الارتباط ده بلا نيلة، مش بعيش قصة حب جديدة، ولكن أنا معجبة بشخص معين، وبالمناسبة أنا بحس بالإعجاب تجاه ناس كتير يمكن كل يوم، زي جورج كلوني وممثلين كتير جدًا، ولو هتجوز أكيد هقول”.

يتزامن نفي الفنانة دخولها قصة حب جديدة مع تصريحاتها التليفزيونية التي أثارت الجدل، والتي قالت فيها: “أنا كنت قافلة الباب تمامًا لحد من 3 أو 4 اشهر، كنت مقررة إني مش هتجوز ولا هحب وده عشان نفسي كانت مسدودة من كل اللي شايفاه قدامي من علاقات فاشلة”.
 
تابعت رانيا: “دلوقتي فيه إعجاب متبادل مع شخص، مواصفاته إنه متواضع جدًا، مكافح في حياته وبدأ من الصفر، وهو أب لـ ابن وحيد، ومطلق لكن واخد باله من ابنه وصديق لطليقته كويس، وعلاقتهم صحية، هو أكبر مني بـ 4 سنين، مش هلبس فستان فرح طبعًا لإني بكره كل التقاليد دي”.