رامز هيخلينا نلطم رمضان اللي جاي.. تصريحات نجوى إبراهيم على برنام رامز جاب من الآخر
كشفت الإعلامية نجوى إبراهيم عن موقف صادفته أثناء مرورها بإحدى المتاجر، لبعض الأطفال وهم مرددين كلام رامز جلال في برنامجه الأخير “رامز جاب من الآخر”.
وقالت إبراهيم، في برنامجها بيت العز، المذاع عبر محطة نجوم FM: “أنا بحب أنزل أجيب الحاجات بتاعة البيت، ومن كام يوم نزلت أجيب حاجات ولاقيت بنات ماشين مع والدتهم بيقولوا يا لهوي يا لهوي، ليه يا رامز عملت كده في العيال؟ مش حلو أن الولاد يقولوا كده، رمضان اللي جاي هتعلمنا إزاي نلطم؟ ياريت نخلي بالنا من الكلام”.
تابعت مضيفة: “كمان المسلسلات بيتقال ملغم وبيتحفظ، إحنا نخلي بالنا ونحاول أننا نتفرج على حاجات حلوة، مفيش مانع نتفرج على حاجات عنف شوية ولكن مش للدرجة اللي إحنا شُفناها”.
وفي سياق متصل، عُرض للفنان رامز جلال في السباق الرمضاني السابق برنامج المقالب “رامز جاب من الآخر”، و دارت فكرة البرنامج حول استضافة مجموعة من النجوم الفن والإعلام والرياضة والمشاهير، سواء في مصر أو في الوطن العربي، ويوجد بين كل طرف وآخر مشكلة ويحاول رامز حلها بطريقة كوميدية.
