محمد علي رزق: “غادة عبد الرازق نجمة بمعنى الكلمة ودوري في صيد العقارب كان محتاج أركز بشكل طبي”
كتبت/ نوران عسكورة
كشف الفنان محمد علي رزق تفاصيل تحضيراته لـ شخصيته في مسلسل صيد العقارب، بطولة الفنانة غادة عبد الرازق، حيث يجسد دور شخص من ذوي الاحتياجات الخاصة.
قال رزق: “اشتغلت على دوري في مسلسل صيد العقارب من خلال المذاكرة الجيدة، ولما عرفت الشخصية مريض وعنده شلشل دماغي قاعدنا نذاكر لأن الشلل الدماغي مراحل كتير لحد ما وصلنا لمرحلة واحد ينفع يتجوز ويخلف، وبدأنا نشتغل عليها وأتمرن على مشيتها وقعدتها لحد ماوصلنا للشكل دا، الحمد لله بتوفيق ربنا”.
تابع محمد علي رزق: “أنا بتعامل مع ناس من ذوي الاحتياجات الخاصة وأعرف أصدقاء بالشكل ده عاملة إزاي وعارف طريقة التعامل، الموضوع كله كان محتاج أركز بشكل طبي عشان أعرف أوصل لشكل الإعاقة صح، كنت بدور على الوضعية أكتر على اليوتيوب وبشوف دكاترة متخصصين وعندهم شلل دماغي وكنت بسمعها أكتر”.
بشأن تعاونه مع الفنانة غادة عبد الرازق قال رزق: “الفنانة غادة عبد الرازق من ألطف وأنضف الناس اللي تتعامل معاها في حياتك، نجمة بمعني الكلمة بتحتوي كل اللي حاوليها وتهتم بيهم، ويكون الجميع كويس وطول الوقت بتدي دوافع للي حاوليها وفي ضهرهم وعايزاهم ينجحوا أكتر”.
اختتم الفنان حديثه قائلًا: “غادة عبد الرازق أكتر واحدة وقفت بجانبي في المسلسل، وكانت بتقولي أنت عامل شغل حلو وهتنجح ركز الناس بتتكلم عليك كويس من قبل ما يتعرض المسلسل”.
