بقيت واحد منكم وشايل همكم.. تامر حبيب يشيد بـ صناع بدون سابق إنذار
كتبت/ نوران عسكورة
أعرب السيناريست تامر حبيب عن سعادته بمسلسل بدون سابق إنذار، بطولة الفنان آسر ياسين والفنانة عائشة بن أحمد، الذي بدأ عرضه في النصف الثاني من السباق الرمضاني الجاري.
نشر تامر حبيب بوستر المسلسل عبر حسابه بموقع “انستجرام”، معلقًا: “بدون سابق إنذار ومن أول حلقة، قدرتوا وببساطة وسلاسة تخلوني أصدقكم وأتعاطف معاكم، وبمجرد ما إديتلكم صباعي كلتوا دراعي، أو بالأحرى كلتوني كلي، بقيت واحد منكم، شايل همكم قدكم وساعات أكثر منكم، محتاس حوستكم ومتلخبط لخبطتكم”.
أضاف: “عايز أعرف عشان أرتاح وأنا عارف أني لو عرفت مش هرتاح، خايف على عمر من رد فعلكم أكثر من خوفي عليه من المرض، بس متطمن أنكم بتحبوه أيًا كان المستخبي، وفي نفس الوقت حالة التخبط وعدم الاتزان والتوتر المرضي اللي أنت فيه قالقني عليكم وعلى الولد”.
تابع حبيب: “أما عن عمر حبيبي، الولد ده ممثل عظيم، فاهم ومستوعب ومسيطر على أبعاد شخصيته وأحوالها، ولا عمره خرج من الشخصية لحظة واحدة، ولا فقد تصديقه للدور اللي بيشخصه وبالتالي صدقناه بكل حواسنا وبقينا حاسين كلنا أنه ابننا”.
اختتم تامر حبيب: “والنبي يا صحابي وزمايلي الحلوين قوي اللي قدام وورا الكاميرا ما توجعوا قلبي قوي، عشان على قد ما أنا ممنونلكم على قد مانا قلقان من إبداعكم وواقعيتكم دول”.
