نيللي كريم: “طول ما أنا عايشة وفي المهنة هتعلم وبتاعة البالية دي مش جاية من الشارع”
كتبت/ نوران عسكورة
علقت الفنانة نيللي كريم على تصريحات الفنانة انتصار التلفزيونية الأخيرة، حول أنها في بداياتها كانت راقصة باليه، وتعلمت منها التمثيل هي والفنان باسم سمرة، وذلك في أثناء مشاركتها في مسلسل “بنت اسمها ذات” الذي عرض عام 2013.
قالت نيللي كريم خلال استضافتها في برنامج تفاعلكم: “بتاعة الباليه دي مش جاية من الشارع، أنا دارسة في أكاديمية الفنون معهد الباليه، وكنت دارسة قسم إخراج مسرح بشكل محترم مع دكاترة كبار محترمين”.
تابعت نيللي: “مش عيب إني أتعلم منكم يا فنانين يا كبار، وليا الشرف أني اشتغلت معاكم، وطول ما أنا عايشة وفي المهنة هتعلم”.
تطرقت نيللي كريم للرد على تصريحات الفنان باسم سمرة الأخيرة بأنها رفضت مشاركته في مسلسل من بطولته، وتم استبداله بزوجها لاعب الإسكواش هشام عاشور، قائلة: “الكلام اللي قاله في البرنامج مش صح لأن آخر عمل معاه كان بنت اسمها ذات 2013”.
أوضحت نيللي: “وبعدين محصلش أن في عمل جمعنا بعدها، ومش عيب إني أتعلم منه لأن دوري في المسلسل كان يخض، وطول ما أنا عايشة وفي المهنة هتعلم وده مش عيب”.
