محمد هنيدي يطمئن جمهوره عن حالته الصحية
كتبت/ بسمة غربية
ظهر الفنان محمد هنيدي ليطمئن جمهوره وذلك بعد نشر طبيبه المعالج صورته من داخل المستشفى، موضحًا أنه خضع لقسطرة في القلب وحالته الصحية جيدة وبخير وأن الصورة المنتشرة قديمة وكانت أول شهر رمضان.
وقال محمد هنيدي في فيديو له عبر فيس بوك: “مساء الخير وكل سنة وحضراتكم طيبين وبخير، حبيت أطمن حضراتكم أني بخير وفي بيتي وزي الفل”.
أردف الفنان: “الخبر ده قديم، والموضوع كان أول رمضان وكانت قسطرة بسيطة عملها لي الدكتور حسام الحصري علشان يطمن عليا والحمد لله كله زي الفل”.
أكمل هنيدي: “اتخضيت ولقيت نفسي متصدر تويتر، وأنا ما عملتش حاجة، كنت نايم ولسه صاحي وقلت يمكن علشان الكنيش محدش لسه شافه، وربنا يخليكم ويسعدكم وكل سنة وحضراتكم طيبين شكرا”.
وكان قد نشر الطبيب المعالج للفنان محمد هنيدي صورة له من داخل المستشفى، وأكد أن الفنان خضع لعدة فحوصات وتحاليل، موضحًا: “اطمنا على الشرايين التاجية للفنان محمد هنيدي، اللي أسعد الناس بتلقائيته وعفويته وعدم خدش حياء المصريين”.
تابع الطبيب: “اطمنا على الشرايين التاجية والدعامات، اللي كنا صلحناها قبل كده في ليلة من ليالي رمضان برضه من كام سنة، والحمد لله قلبه زي الحديد، وربنا يجعله سبب لسعادة الناس في الخير”.
