رحلته من فنان لمدمن مخدرات.. أحمد جلال عبد القوي يكشف تفاصيل أزمته الصحية
كتبت/ نوران عسكورة
كشف الفنان أحمد جلال عبد القوي تفاصيل أزمته الصحية بعد تجربته مع المخدرات، حيث أشار إلى أنه وقع ضحية الإدمان بسبب استمرار تناوله أحد العقاقير بعد خضوعه لعملية جراحية في الظهر، رغم أن الأطباء أوقفوا له هذا العلاج إلا أنه أدمنه، وأصبح اعتياديًا بالنسبة له.
قال أحمد جلال: “خضعت لعملية كبيرة في ضهري، أتعودت بعدها على علاج معين، استخدمته حتى بعد ما وقف العلاج بقا عندي اعتيادية عليه، تجربة وعدت وربنا كرمني واشتغلت على نفسي، لأن دي مش حياتي”.
أضاف: “أنا أتعلمت الدرس لأن في أهل كان ممكن لو حصلي حاجة هيتأثروا، أنا فنان مشهور والمفروض أكون قدوة مكنش يصح أكون في موقف زي ده أبدًا”.
تابع أحمد جلال: “أي حد كان بيحبني وشايفني مَثل خسرته، طالما أنا فنان وعايز أبقى شخصية معروفة ومشهورة، مكنش يصح أشرب مخدرات وأمشي في الطريق ده”.
استكمل قائلًا: “أهلي أول ناس وقفوا معايا، رغم أن كان عندهم صدمة من اللي حصلي، كل الناس اللي توقعت يقفوا جمبي محدش فيهم وقف معايا، لكن مكنش فارق لي، لأن صحابي مش كتير وصاحب الكل دايمًا وحيد”.
