أنا بتعلم منكم وشرف ليا إني اشتغلت معاكم.. أول تعليق من نيللي كريم على أزمتها مع باسم سمرة
كتبت/ مي السايح
علقت الفنانة نيللي كريم على تصريحات الفنان باسم سمرة في برنامج “رامز جاب من الآخر”، بعد حديثه عن عمل كان سيجمعها سويا ولكنها رفضه بسبب مشاركة زوجها “هشام عاشور”.
قالت الفنانة نيللي كريم: “الكلام ده محصلش أنا آخر مرة اشتغلت مع باسم سمرة في مسلسل “ذات” ودا من أكتر من 10 سنين وبعدها عمر ما جات فرصة أو أي عمل يجمعنا، الكلام اللي هو حكاه مش حقيقي”.
وتابعت: “أنه بيقول إني اتعلمت منه التمثيل أنا بتعلم كل يوم لو مخرج بشتغل معاه لأول مرة أو ممثل، واتعلمت منه أه طبعا باسم أستاذ كبير، بالنسبة ليا مسلسل “ذات” كان مهم ودور يخض، وإني أتعلم منه دا شيء مش عيب، والأستاذة إنتصار طبعا اتعلم منها هي أستاذة رائعة”.
أضافت نيللي: “الحاجات دي عندي مش مشكلة طول ما أنا عايشه وبشتغل في المهنة دي أنا طول الوقت هتعلم ومرديتش على الكلام دا قبل كده لأن أيوة يا نجوم يا كبار أنا بتعلم منكم وشرف ليا إني اشتغلت معاكم”.
وفي سياق متصل، تشارك الفنانة نيللي كريم في الموسم الرمضاني الحالي بمسلسل “فراولة”، وبطولة نيللى كريم، شيماء سيف، صدقى صخر، أحمد فهيم، علا رشدى، حجاج عبد العظيم، دنيا سامى، تونى ماهر وعدد كبير من ضيوف الشرف، تأليف محمد سليمان عبد المالك، وإخراج محمد على.
