أسامة عباس: “بيتعرض عليا أعمال فنية ومش بتعجبني”
كتبت / أسماء حليمة
كشف الفنان أسامة عباس عن أسباب غيابه لسنوات عن الساحة الفنية، موضحًا أنه يعرض عليه العديد من الأعمال، ولكن لم تعجبه أي عمل منهم.
قال أسامة عباس خلال تصريحات صحفية: “بيجيلي حاجات مش بتعجبني وما تستاهلش، ولما تيجي لي حاجة تستاهل هعملها مفيش اديني قاعد”.
وواصل أسامة عباس حديثه قائلًا: “بشوف مسلسل عتبات البهجة لـ يحيى الفخراني، وعجبني وكلمت يحيى وهنأته بالمسلسل”.
كشف أسامة عباس سبب اختفائه عن الجمهور قائلًا: “ماليش في السوشيال ميديا وبيطلبوني في برامج ولكن برفض، لأن معنديش حاجة أقولها وتاريخي الفني اتكلمت فيه كتير”.
كما تحدث عن طقوسه في رمضان قال: “بقعد مع أحفادي وولادي لأن السنين اللي فاتت كنت مشغول وما كنتش مستمتع بالحياة الأسرية، وبحاول أعوضهم عن السنين اللي فاتت”.
أتم الفنان: “زوجتي هي اللي كانت متولية كل أمورهم وتشكر على كده، لأني كنت مشغول خالص لأن حتى لو ما كانش عندي شغل بكون عاوز أريح وأنام، والأجيال بتاعتنا بتنقرض وهي دي سنة الحياة”.
يذكر أن آخر أعمال الفنان أسامة عباس هو مسلسل “المتهمة”، والذي تم عرضه في موسم 2022، وهو من إخراج وتأليف تامر نادي.
