بدرية طلبة تكشف تفاصيل بداية مشوارها الفني

كتبت/ بسمة غربية

تحدثت الفنانة بدرية طلبة عن بدايتها، موضحةً أنها تعاونت مع كبار النجوم منهم سمير غانم، ومحمد نجم، وسعيد صالح، ويونس شلبي، وتحدثت أيضًا عن الفنان عادل إمام.

حيث قالت بدرية طلبة في لقاء تليفزيوني: “اشتغلت مع عمالقة، زي سمير غانم ومحمد نجم وسعيد صالح ويونس شلبي، ربنا يرحمهم، واتعلمت من كل واحد شوية، زي ما بتدخل جنينة وبتاخد وردة من كل نوع، وتعمل في النهاية بوكيه حلو، وكل واحد له مدرسة”.

تابعت الفنانة عن سمير غانم قائلةً: “لما يطلع على المسرح بتروح معاه في حتت كتير، حد جميل وبيلعب ويرجع فاهم بيعمل إيه ويمتع الناس إزاي”.

أردفت بدرية: “راجع للنجم روحه حلوة ولا لأ، وكميتنا حلوة ولا لأ، لو حاببني ووصلي الإحساس ده هقدم أحلى ما عندي، لأن أنا زي الطفلة في شغلي وفي حياتي اللي يطبطب عليا ويقول لي كلمة حلوة بياخد روحي كلها”.

تطرقت الفنانة للحديث عن عادل إمام، قائلةً: “حقه يرتاح وحق ولاده يحافظوا عليه، وبحترمهم جدًا لأن هما محافظين عليه في الوقت اللي لازم الناس ما تشوفهوش فيه، لأن إحنا وقفنا عند الأستاذ والزعيم، لازم يفضل في نظرنا في الصورة دي”.

أختتمت حديثها بالفنان محمد إمام قائلةً: “كل اللي أقدر أقوله إنه متربي والتربية بتشمل كل حاجة في حياته”.