حسن أبو الروس: “قدرت أخلي الناس تكرهني.. وسعيد بالتعاون مع طه الدسوقي”
كتبت / أسماء حليمة
تحدث الفنان حسن أبو الروس عن تفاصيل شخصيته في مسلسل “حالة خاصة”، والتي حقق نجاحًا كبيرًا، وأعجب به الجمهور.
تم عرض مسلسل “حالة خاصة” منذ فترة على منصة Watch It، وهو بطولة الفنان طه الدسوقي، والتي تعتبر أولى البطولات له في الدراما المصرية.
قال حسن أبو الروس خلال تصريحات له: “أنا شوفت ناس حقيقة شبه شخصية عز، قلدتهم في حياتهم، وفي محامي بدون ذكر أسماء شبه عز بالظبط وعنده نفس البِدل والسكسوكة”.
أكمل “أبو الروس”: “قلدت الراجل ده بالظبط، لأنه زي ما هو سخيف هو بيضحك، وقدرت أخلي الناس تكرهني وده اللي كنت عايز أعمله”.
واصل حسن: “هو فعلًا لازم يتكره لأنه بيعمل حاجات مش كويسة، وفي الآخر خليت الناس تحبه تاني لما اتغير وبدأوا يفهموا هو ليه بيعمل كده”.
أضاف حسن أبو الروس: “المنتج طارق الجنايني لما بعتلي الدور ده اختفى فترة، فـ أنا اللي كلمته عشان أقوله أني عايز أعمل الدور ده لأن ده دور يطلع منه حاجة وإيفيهيات”.
كما علق أبو الروس عن مشاركته مع طه الدسوقي في حالة خاصة قائلًا: “طه شاطر وأصعب حاجه الكوميديا، وهو قدها ويقدر يضحكنا ويبكينا وأنا مكنتش مصدق نفسي؛ لأنه وقت التمثيل بيبقى واحد تاني “.
تابع حسن أبو الروس: “طه عرف يقلد طريقتهم والتوحد بالظبط والتعايش معاهم، قدر يحسسنا بيهم جدًا، مبسوط بالتعاون معا”.
ضم مسلسل “حالة خاصة” مجموعة من الفنانين أبرزهم، طه دسوقي، هاجر السراج، علي السبع، حسن أبو الروس، غادة عادل، وغيرهم، والعمل من إخراج عبد العزيز النجار.
