حيوانات منوية.. سالي عبدالسلام تعثر على أشياء غريبة أمام منزلها
كتبت/ بسمة غربية
تحدثت الإعلامية سالي عبد السلام، عن عثورها على أشياء غريبة أمام منزلها مثل كيس به حيوانات منوية، وشكت في أنه قد يكون سحر أسود لأذيتها، وطلبت من جمهورها مساعدتها.
نشرت الإعلامية فيديو عبر حسابها بموقع فيس بوك، قائلةً فيه: “حصل حاجة غريبة بقالها فترة بتحصل عندنا، ومعرفش مين بيعمل كده، وعملت سيرش في جوجل طلع سحر أسود، حتى والله لسه ما قلت لأهلي”.
وتابعت سالي: “لو حد يعرف يساعدني، لأني خلاص عطلت، وكل مرة بلاقي حاجات غريبة عند عتبة البيت، وقبل كده لقيت قطة متكسر عضمها وميتة وفي بوقها ورقة، والنهارده وأنا نازلة لقيت كيس فيه حيوانات منوية ومرمي قدام الباب جوه البيت”.
وعلقت سالي عبد السلام على الفيديو الذي نشرته: “ده فعلًا زي ما طلع لي على جوجل إنه سحر معمول.. ومش أول مرة حد ييجى يرمي حاجة غريبة في المدخل على السلم نفسه جوا قدام البيت”.
وأردفت الإعلامية: “فيه حد يعرف يقولي ده ايه ويساعد؟ أنا بجد تعبت وزهقت وبيحصل بعدها مشاكل كتير أو حد يبقى عيان جدا فى البيت.. فيه حاجة بتتعمل سحر كدة أصلا؟”.
وأوضحت سالي في تصريحات صحفية: “فيه كاميرات حوالين الكومباوند ومش بدخل حد بيتي، والموضوع ده من قبل ما أتجوز بسنة ونص، وكان بيتقال إن الثعلبة اللي عندي من زمان بسبب سحر، ومكنتش بصدق الموضوع، وخايفة أروح لشيوخ لأني ما أضمنش، ومبفوتش فرض وبشغل سورة البقرة على طول”.
