الثانوية العامة مش نهاية العالم.. سمية الخشاب تهنئ الطلبة بعد ظهور النتيجة
كتبت/ مي السايح
هنأت الفنانة سمية الخشاب طلبة الثانوية العامة، وذلك بعد ظهور النتيجة، وأشارت إلى أنها ليست نهاية العالم، لأن كل شخص سيعمل في مجال آخر غير دراسته.
وكتبت الخشاب عبر حسابها الرسمي على موقع إكس: “مبروووك ياحبايبي النجاح وربنا يفرحكم واللي منجحش السنه تتعوض السنه الجايه ركزوا وحتنجحوا وحافضل اقولكم مش نهايه العالم انك ماتوفقتش السنه دي انتوا لسه صغيرين وقدامكم المستقبل اهم حاجه التركيزززز بحبكم اوي”.
تابعت: “روقوا وانبسطوا محدش واخد منها حاجة، هتنجحوا وتتخرجوا وهتلاقوا نفسكوا بتشتغلوا في مجال تاني خالص ملوش علاقة بشهادتكم، عشان كدة بقولكم متزعلوش على أي حاجة وربنا يوفقكم”.
وكانت قد صّرحت الفنانة سمية الخشاب بعض التصريحات حول شهادة الثانوية العامة قائلة: “أنا طلع عيني وذاكرت ودروس، ورايحة المدرسة وراجعة من المدرسة ورايحة الكلية راجعة من الكلية، وبعد بكالوريوس تجارة جامعة إسكندرية اشتغلت بالشهادة حضرتك؟ ده لو كنت درست الحاجة اللي بحبها من الأول أكيد مكانش ضاع سنين كتير ملهاش لازمة”.
يُذكر أن، كانت آخر أعمال سمية الخشاب مشاركتها في رمضان الماضي 2024 بـ مسلسل بـ 100 راجل، وشاركها فيه مجموعة كبيرة من الفنانين منهم محمود عبد المغني، نانسي صلاح، سما إبراهيم، محمد القس، أحمد صيام وغيرهم، ومن إخراج إبرام نشأت وتأليف محمود حمدان.
