أكرم حسني: “رأس مالنا في العمل هو الجمهور”
كتبت / أسماء حليمة
تحدث الفنان أكرم حسني في برنامج “ألبوم صور” مع الإعلامية إيناس سلامة الشواف، عن تفاصيل حياته الشخصية، موضحًا أن أهم شئ في العمل هو الجمهور.
علق أكرم حسني عن والده قائلًا: “أبويا الله يرحمه هو الإضاءة في حياتي ولما بعمل حاجة فرحان بيها كان بيبقى نفسي إنه يكون شايفها”.
كما تحدث عن تقليل عدد المحيطين به موضحًا: “فيه فلاتر موجودة حوالينا طول الوقت وده بيخلينا نفرز.. في الرحلة بنقلل عدد الناس اللي فاكرينهم صحابنا”.
أضاف أكرم حسني: “أنا شخص نمطي أوي وبحب التنظيم والتخطيط والترتيب وحياتي مليانة جداول وأرقام وحسابات.. بس التجربة أثبتت إن فيه حاجات كتير الصدف فيها أحلى”.
أكمل حسني: “الرأي المطلق دي حاجة مش صح وبالنضج والتفكير والخبرة والممارسة مفيش صح مطلق، والأفكار بتتغير وبنكبر وبننضج ومفيش حاجة ثابتة”.
كما علق أكرم حسني عن أهمية الجمهور في طبيعة عمله قائلًا: “رأس مالنا في الشغلانة الجمهور وعيننا على استقبال الناس للشغل عمرنا ما هنقدر نرضي كل الناس”.
