أحمد مالك يخسر 10 كيلو بسبب دوره في ولاد الشمس
كتبت/ مي السايح
كشف الفنان أحمد مالك عن حرصه لخسارة الكثير من الوزن بسبب دوره في مسلسل “ولاد الشمس”، الذي يشارك به في السباق الرمضاني 2025.
وقال أحمد مالك في لقاء مع ET بالعربي: “خسيت 10 كيلو عشان الدور هو بيلعب ملاكمة شارع وكنت عايز أقدم دا بمصداقية وينعكس على شكل الجسم، عايز الناس لما تشوف على الشاشة تحس أنه حقيقي كنت ماشي على نظام غذائي قاسي وأخدت تدريبات حوالي شهرين”.
وأكد أحمد مالك أنه يحب التنويع في أدواره والشكل الذي يظهر به ففي “ولعة” تصفيفة شعره مختلفة تماما عن الشكل الذي ظهر به في فيلم “6 أيام”.
كما كشف عن تفاصيل شخصيته في المسلسل معلقًا : “اسم “ولعة” جاي من تاريخ الشخصية وهو عامل إزاي هو جاي من نار أنه شخص اللي في قلبه على لسانه وحريقة كده، أما الجانب الرومانسي غير تقليدي بيحب حد مش في نفس سنه وفي ظروف صعبة بيواجهها”.
ويشارك في بطولة المسلسل أحمد مالك، طه دسوقي، محمود حميدة، مريم الجندي، فرح يوسف، جلا هشام ومعتز هشام، ومن تأليف محمود عزت وإخراج شادي عبد السلام.
