عصام صاصا: كنت بقرأ قرآن بس الدنيا تلاهي وحبيت الغناء

كتبت/ نهى مدحت

تحدث مطرب المهرجانات عصام صاصا عن بدايته في الغناء وأول أغنية حققت مشاهدات مرتفعة.

أضاف صاصا في بودكاست “روقان” مع فتحي مصطفى: “أنا صوتي حلو وراثة من أمي، وكنت بقرأ قرآن ولحد دلوقتي بقرأ بس الدنيا تلاهي وغصب عن الواحد، بعدين حبيت الغناء وكنت بسمع أغاني قديمة وحبيت الموضوع”.

تابع:” أنا كنت في إعدادي جربت أنا وناس زمايلي في المدرسة كنا بنسجل أغاني وإحنا بس اللي بنسمعها، أول أغنية عملتها مش فاكر اسمها”.

استكمل حديثه: “اشتغلت حاجات كتير قبل الغناء كهربائي وسواق توك توك وكل حاجة، أكتر شغل استمريت فيه كان التوك توك وأول أغنية جابت 100 مليون وأنا مكنتش اعرف، البوستر بتاع الأغنية نزل ووشي مش باين عليه محدش كان عارفني ودي كانت بداية نجاحي كانت أغنية “قالك تعيشها تشوف”.

يذكر صاصا وعنبة طرحا قبل أيام فيديو كليب “أنا البطل”، كلمات محمود سوستا، توزيع كيمو الديب، إخراج أشرف رمضان.

يذكر أن صاصا شارك في موسم رمضان الماضي من خلال أغنية “إحنا ولاد الشمس”، من مسلسل “ولاد الشمس”.