أميرة أديب: سميحة أيوب قالتلي هبقى نجمة شباك
كتبت/ مي السايح
حلّت الفنانة الشابة أميرة أديب ضيفة في برنامج “صاحبة السعادة”، الذي تقدمه الفنانة “إسعاد يونس”، وكشفت خلال الحلقة عن دخولها عالم الفن، وكشفت عن تحضيرها لثاني أعمالها الغنائية.
كما تحدثت عن رأي الفنانة سميحة أيوب فيها كممثلة، وعلقت : “الأستاذة سميحة قالتلي انتي هتبقي ممثلة مهمة جدًا وهتبقي نجمة شباك أنا بقولك، ودي شهادة أعتز بيها جدًا”.
وتابعت: “وأنا فضلت قاعدة كدة وبقول استاذة سميحة أيوب بتقولي حاجة زي دي؟ كانت حاجة أعتز بيها جدًا”.
كما أعلنت عن تحضيرها لأغنية جديدة والتي ستكون ثاني أعمالها الغنائية من بعد “كارت محروق”، وقالت “أغنية حقيقية أكتر ومفهومة اكتر من “كارت محروق”، وفيها رسالة. كنت عايزة أعمل حاجة بعد كدة أجيب الناس تاني وأقولهم أهو عملت حاجة عارفة إنكم هتحبوها”.
وأضافت: “مدخلة فيها الإخراج والمحاكاة واللبس والتمثيل عشان أنا مش بحب أستنى مكالمة التليفون، دي ممكن تكون أكتر حاجة محبطة في العالم، أنا واحدة عايزة تمثل في كوميديا رومانسية فقررت أخلق الفيديو لنفسي”.
