الموزع أحمد إبراهيم يكشف حقيقة ارتباطه بشيرين عبد الوهاب

كشف الموزع أحمد إبراهيم حقيقة ارتباطه بالفنانة شيرين عبدالوهاب، وذلك خلال تصريحات تلفزيونية له، حيث نفى كل الشائعات، وقال أنها خالية تماماً من الصحة، مؤكداً أن العلاقة التي تجمعه بالفنانة شيرين هي علاقة صداقة.

وعلق قائلاً : “مش عارف الحقيقة مين طلع الكلام ده، أنا بقول لـ شيرين كل سنة وأنتي طيبة، عشان مشوفتهاش من سنة تقريبا، وهي صديقة وأخت غالية”.

وتابع : “المفروض الكلام ده يتقال في شهر أبريل عشان تبقى كذبة أبريل، أنا زيي زي الناس فوجئت بالكلام ده، ومعرفش ليه بعد 22 سنة من صداقتي بشيرين الكلام ده اتقال دلوقتي، ولما شوفته فضلت أضحك عليه”.

وفي سياق آخر، وكشفت الإعلامية أسما إبراهيم، عن تفاصيل مكالمتها مع الفنانة شيرين عبد الوهاب مؤكدة أنها تحضر أعمالا فنية جديدة خلال الفترة المقبلة.

وقالت أسما إبراهيم:” صحيت النهارده على أجمل مكالمة من صوت مصر والوطن العربي شيرين عبد الوهاب واتكلمنا كتير في حاجات حلوة جدا شيرين بتحضرها لجمهورها”.

أضافت من خلال حسابها الرسمي على “x”: “وانا كنت سعيده بالمكالمة دي لأني اطمنت على شيرين وأن صوتها فعلا مبسوط وعاملة شغل هيكسر الدنيا الفترة الجاية.. وقد إيه هي بتابع كل الدعم من الناس ليها وان جمهورها هو أهلها السند ليها.. شيرين راجعة بقوة”.