آخر الأخبارثقافة و فنون
انت جايبني تضحك الناس عليا.. شوبير يكشف تفاصيل دوره في فيلم مستر إكس
كتبت/ مي السايح
this is aad
حلّ المعلق الرياضي، أحمد شوبير ضيفاً في برنامج العرافة، وكشف خلال اللقاء عن أسباب رفضه لفيلم “مستر إكس”.
قال شوبير: “أحمد السبكي حبيبي وراجل جميل وصاحبنا من زمن فلقيته بيكلمني يقولي عايزك في مشهد معايا في الفيلم من غير ما يقولي المشهد إيه والقصة إيه فرحت على اللوكيشن”.
تابع شوبير مستكملا حديثه: “يعني مثلا في فيلم “البدلة” كلمني أيمن بهجت قمر وتامر حسني ومكنتش عارف المشهد بس لما رحت قالولي تفاصيله وإنني معلق والمشهد كان جميل يعني .”.
وأضاف : “فبصيت على مشهد “مستر إكس” لقيتني متجوز واحدة وكل شوية واحد يطلع من عندها وواحد يدخلها. قلتله يا سبكي انت هتهرج؟ جايبني تضحك مصر عليا؟ يا عم سلام عليكم”.
يُذكر ان، فيلم “مستر إكس” بطولة أحمد فهمي، هنا الزاهد، بيومي فؤاد، محمد أنور، رحاب الجمل ومحمود حافظ، من إخراج وتأليف أحمد عبد الوهاب.
