عمرو وهبة يكشف عن رأيه في الذكاء الاصطناعي
كتبت/ بسمة غربية
تحدث الفنان عمرو وهبة في برنامج “ورقة في ملف” على شاشة قناة النهار، عن بداية مشواره الفني، وتفاصيل مشاركته في مسلسل صوت وصورة ورأيه في الذكاء الاصطناعي.
قال وهبة: “دور وافي في مسلسل صوت وصورة كان فارق شوية في مشواري الفني والحمد لله على النجاح وردود الفعل، والشخصية كان عبارة عن ولد بسيط ولكه مخه في السوشيال ميديا والإلكترونيات ولكن بيستخدمها في الخير، لو حد ضايقه بيجيب بيها حقه”.
تابع الفنان: “تفاجأت أن الذكاء الاصطناعي بيرجع للخمسينات، وسنة 1986 أساتذة الرياضيات في واشنطن عملوا مظاهرات علشان الطلاب ميستخدموش الآلة الحاسبة، كانوا خايفين من التكنولوجيا وأنها تستبدل الإنسان”.
أردف وهبة: “الحقيقة ممكن تتزيف بالذكاء الاصطناعي بشكل مخيف زي ما ظهر في مسلسل صوت وصورة، وأكبر دليل زي ما عملنا محاكاة الجريمة قدام القاضي”.
أكمل عمرو: “كون أن الرقابة تعدي أننا واقفين قدام القاضي وصدقي صخر المحامي يعتذر للقاضي أنه مش بيسخر ولكن بيثبت له إزاي ممكن تتزيف، والرقابة وافقت يبقى ده بيحصل في الحقيقة”.
استكمل الفنان: “شوفنا من فترة أغنية ليلى زاهر وهشام جمال، الفيديو كليب كله اتعمل بالذكاء الاصطناعي، أنا في عندي أصدقائي عندهم أغاني نزلت بصوت رامي صبري والناس حبتها وهي أصلا بتاعه حد تاني، دلوقتي أي حاجة بقينا نقول دي جد ولا هزار”.
اختتم عمرو حديثه قائلًا: “أنا مش عارف قانونيًا اتعمل دلوقتي لسوء الاستخدام الذكاء الاصطناعي، في الوضع الحالي لا يمكن الاستغناء عن الإنسان مقابل الذكاء الاصطناعي”.
