قال كوارع قال دي حاطة في وشها بوتوكس.. صابرين تثير الجدل بتصريحاتها
كتبت/ مي السايح
كشفت الفنانة صابرين في أكثر من تصريح لها عدم خضوعها لأي عمليات تجميل، وأوضحت بأنها تعرضت للإنتقاد بسبب تصريحاتها حول هذا الأمر وعدم تصديق الناس لها.
وقالت صابرين خلال لقائها في برنامج “السهرة” مع مها الصغير عبر قناة cbc، عن تصريحاتها السابقة التي تحدثت فيها عن “الكوارع” وتناولها لها لأنها غنية بالكولاجين: “يارب ماتشتمش لأني كل ما بقول حقايق وبطيب خاطر عشان أدي نصايح للستات تطلع هجمات سرشة مش فاهمة ليه”.
وتابعت: “أنا في فترة من الفترات قعدت أقول إيه الحاجات اللي بعملها عشان أحافظ على بشرتي لكن لقيت الستات بتقول على جروب “قال كوارع قال دي حاطة في وشها بوتوكس وشايفين العمليات”.
وتابعت صابرين: “يا جماعة إحنا بنعمل كل حاجة حلوة لو في دكتور كويس بروح ليه عشان يعمل لي إبرة نضارة أو بروح لحد عشان يظبط لي وشي لأن إحنا بنتعرض لإضاءة ومجهود ذهني وعصبي ومكياج وحاجات كتير لازم مقابل دا نتعامل بشكل كويس مع بشرتنا وإزاي يكون الجلد كويس ونضر ولما متحطيش مكياج تكوني أحلى من وأنتي حاطه”.
وتابعت صابرين: “أنا بقول أنا بعمل كده أه بس مش بعمل عمليات جراحية، اللي بيبقى عامل عملية بيبان وفي حاجات عندي لازالت موجودة محتاجة تتظبط مش هنضحك على بعض، لكن اللي الناس مش عارفاه أن هي الروح، حقيقي الروح اللي من جواكي بتبان جدا عليكي أنا عايشة في الطفولة مش بحب اسيبها، وأول ما ألاقي نفسي ببعد عن الطفولة اللي جوايا أخاف”.
