كريم فهمي يكشف تفاصيل إصابته بإضطراب ADHD ويعلق: فرط الحركة عند ياسمين عبدالعزيز أكتر مني بمراحل
كتبت/ مي السايح
كشف الفنان كريم فهمي تفاصيل إصابته بإضطراب ADHD، وهو فرط الحركة، وذلك خلال استضافته في برنامج “كلمة أخيرة” المذاع عبر قناة ON مع الإعلامية لميس الحديدي.
كما تحدث عن علاقته وصداقته بالفنانة ياسمين عبدالعزيز، وقال معلقًا : “أنا وهي عندنا ADHD، وده بيظهر مثلًا إننا ممكن نكون بنتكلم في حاجة مهمة جدًا وفجأة تلاقيها راحت في موضوع تاني خالص، لازم ترجّعها تاني للموضوع، ياسمين طفلة فعلًا”.
وأضاف: “أنا اكتشفت إني عندي ADHD بالصدفة لما بنتي كانت بتعاني من قلة تركيز، رحت أطمن عليها عند دكتورة، فقالتلي: على فكرة حضرتك كمان عندك ADHD”.
واسترجع كريم فهمي ذكرياته خلال الدراسة قائلا: “لما الدكتورة فاجئتني بالتشخيص رجعت فلاش باك، فاكر وأنا صغير كنت قاعد في الفصل والمدرس بيشرح، بحس كأن ستارة نزلت قدامي ماكنتش بركز، زي جملة هو ذكي لو ركز”.
وتابع : “التركيز بيكون قوي جدًا في اللي بنحبه بس، لو حاجة مش حاببها، خلاص تركيزي بيطير، لكن لما أحب حاجة بعملها بأقصى طاقة”.
يذكر أن كريم فهمي وياسمين عبد العزيز تعاونا في رمضان الماضي في مسلسل “وتقابل حبيب”، من تأليف عمرو محمود ياسين، وبطولة ياسمين عبدالعزيز، كريم فهمي، نيكول سابا، خالد سليم، صلاح عبدالله، بسنت شوقي، محمود عمرو ياسين، وإنتاج تامر مرسي، إخراج محمد الخبيري.
