أحمد غزي يكشف سبب بكائه قبل مسلسل “قهوة المحطة”

كتبت/ نهى مدحت

كشف أحمد غزي، بطل مسلسل “قهوة المحطة” التي تم عرضه خلال موسم رمضان الماضي، أن أول كاستينج تمثيل قدم فيه كان في لندن، وبعد 4 أيام تواصلوا معه للمشاركة في مسلسل يعرض على “نتفلكس”.

أضاف خلال لقائه ببرنامج “معكم” الذي تقدمه الإعلامية منى الشاذلي عبى قناة “أون”: “روحت أكثر من مرة للمشاركة في مسلسل بلندن يعرض على نتفلكس، مكنتش فاهم حاجة غير إن مساعد المخرج بيوقفني ويوجهني ويحركني، وقعدت 4 أيام ما بعملش حاجة غير إني واحد بيرقص وسط المجاميع”.

تابع غزي: “استفدت من تجربة التمثيل في انجلترا، وكنت مبسوط ومش محبط لإنها بداية طريق، وبعد 4 سنين عشتها في أوروبا تساءلت أنا ليه مش بيجيلي حاجة، وبعدين قلت يمكن انا مش جاهز، وربنا بيأخر الفرصة لحد الوقت اللي ابقى جاهز فيه علشان لما تجيلي ما أضعيهاش وأستغلها صح”.

استكمل حديثه:” اتعلمت إني أبقى مسؤول عن الحاجة اللي بعملها وأحط فيها قلبي ومشاعري، ولما قريت ورق قهوة المحطة، كنت بعيط لإن حسيت إن فيه حاجة من جوايا بتتحرك، وكلمت المخرج وانا بقرأ الحلقة 13 قلت له هو كل حلقة هفضل اعيط لكن الحقيقة إن الكلام بيوصل للقلب وبيحرك الإنسان وبيوصل للروح”.

مشيراً إلى ان شخصية مسلسل قهوة المحطة حقيقي خرج مؤمن الصاوي اللي جوايا، واشكر عبد النبي الهواري من أول ثانية كان واقف في ضهري ومعايا في أي حاجة.