كانت سكرات موت.. المطربة مروة نصر تكشف اللحظات الأخيرة في حياة الفنانة الراحلة إيناس النجار
كتبت/ مي السايح
كشفت المطربة مروة نصر، الصديقة المقربة للراحلة إيناس النجار عن اللحظات الأخيرة قبل وفاتها، وذلك عبر حسابها الرسمي على الفيسبوك.
وقالت مروة نصر معلقة : “لما كنت عند ايناس قبل الوفاه بكام يوم طلبت من سوار ومامتها يدخلونى اشوفها باى شكل فى العنايه رغم ان كل الناس قالولى بلاش هتزعلى لانها فى غيبوبة تامه”.
وتابعت: ” ولما دخلت كنت انا ومامتها وفجاءه شالت جهاز التنفس وطلبت مايه تشرب مامتها قلتلها انا مين قالتلها انتى محمود بضحكة جميله اوى اول مرة اشوف ايناس بتضحكها ورغم ان هى كانت بتشاور على قلبها ومش عارفه تاخد نفسها”.
واستكملت : “قعدت تضحك وتبتسم وفى نفس الوقت اديها على قلبها ان فى حاجه بتوجعها لدرجه انى قلت مشاء الله دى بقت كويسه يا مسهل الحال يارب ومشيت وهى بتضحك ومامتها بتحكلها لما تخف هتعمل ايه وهى قاعده بتبتسم قلتلها والفجر اذن ومكنتش عارفه امشى من راحة البال الى انا كنت حساها والفجر اذن ومتسحرتش انا ومحمد ولا فى بالى حتى المايه”.
واختتمت حديثها قائلة: ” النهارده جه فيديو قدامى بيتكلم عن سكرات الموت فى حسن الخاتمه واد ايه الميت فرحان اوى ان رايح دار الحق ومبسوط وبيضحك قبلها بايام رغم الم الروح وهى بتخرج وبيكون شكله حلو وبشوش ومبسوط وشايف مكانه فين واد ايه ربنا بيحبه”.
وتابعت: ” فهمت وقتها ان ربنا رزقها بحسن الخاتمه وان الى كان مريحنى وقتها انالملايكة محاوطاها الله يرحمة فى الجنه ونعيمها يا حبيبتى”.
يُذكر أن، رحلت الفنانة إيناس النجار ثاني أيام عيد الفطر المبارك، وذلك بعد مرورها بأزمة صحية أدت إلى انتقالها إلى العناية المركزة، وتوفت بعدها بأيام.
