المساكنة يعني زنا.. فريدة سيف النصر تفتح النار على الفنانين

كتبت/ مي السايح

انتقدت الفنانة فريدة سيف النصر الفنانين الذي يؤيدون المساكنة، ووجهت رسالة لكل من تحدثوا عن فكرة المساكنة.

كتبت فريدة سيف النصر عبر حسابها الرسمي على الفيسبوك:” صباح الرضا..
اصبحنا واصبح الملك لله رب العالمين؟اسأله عالخاص كتير بشكل بايخ .والغريبه ان كلها سؤال واحد بس بعدة أشكال.
ايه رايك في المساكنه .
قولا واحدا..
يعني زنا.، الهي تسكنوا في نار جهنم يابعدا ..ماهو ربنا قال إن النار وقودها الناس والحجارة”.

وتابعت: “استغفرالله العظيم، واللي هايسأل تاني باستعباط بلوك دي ردها كلمه واحده مافيهاش كلمتين ولا هزار..بلا سفاله وقلة ادب..وكتر خيركم جبتولنا الشتيمه للوسط كله”.

يُذكر أن، أعلنت فريدة سيف النصر انسحابها من الجزء الثاني من مسلسل “العتاولة” الذي شاركت فيه برمضان 2024 مع أحمد السقا وطارق لطفي وباسم سمرة.

وقالت: “أنا خرجت من المسلسل بنفس راضية ومعملتش مشاكل، وكان ممكن أقول لأ أنا مكلفة الملابس كتير، لكن في حاجة حصلت، في غيرة من نجاح عمل كهربا لناس مش عارفاهم، وفي حد أثر على المخرج لأن أحمد خالد موسى كان فرحان بأدائي جدا، وكان المفروض لو في حاجة مضايقاه مني يقول لكن محصلش”.