دينا:الرقص بيخلي الهرمونات تشتغل

كتبت/ نهى مدحت 

تصدرت الفنانة الاستعراضية دينا مواقع التواصل الإجتماعي خلال الساعات الماضية، بسبب نشر فيديو عبر حسابها على “إنستجرام”، تكشف فيه عن سر رشاقتها، وتوجه بعض النصائح للمتابعين.

 كشفت الدينا خلال مقطع فيديو على “انستجرام” من سلسلة فيديوهات “اسمع من دينا”، عندما سألتها إحدى متابعتها عن سر رشاقتها فقالت:” بحافظ على رشاقتي وبتبع نظام غذائي صعب شوية بقالي سنتين، وطبعا مش بطلب منكم تعملوه، لأنه صعب أنا مش باكل دقيق ولا لبن ولا منتجات ألبان،او اي حاجه مخبوزة ولا مكرونه ولا بيتزا ولا كيك ولا جاتوه”.

 وتابعت دينا:” باكل كل الحاجات اللي بتطير، واللحمه الضاني رقم واحد، الناس اللي بتشتكي من آلم جسمها وظهرها بتوجعها الدقيق هو اللي بيعمل ده، الناس اللي عندها القولون كل البقوليات اللي بتعمل الحاجات دي”.

وأكدت دينا على ضرورة ممارسة الرياضة قائلة:” الستات اللي مش بتقدر تعمل رياضة لازم تلعبوا 3 أيام في الأسبوع لو مش هتقدروا امشوا ساعه،  أنا بتدرب وبرقص معنديش وقت ألعب رياضة، والرقص مهم جدا يساعد إن هرمونات الجسم تشتغل أحسن “.

وجدير بالذكر أن آخر أعمال دينا فيلم “الملكة” بطولة هالة صدقي، باسم سمرة، رانيا يوسف، شيرين رضا، انتصار، محمد محمود، دينا، إخراج سامح عبد العزيز، تأليف هشام هلال، وأحمد رمزي.