ياسمين عز: مش هتلاقي ظافر عابدين دا في المسلسلات بس 

كتبت/ نهى مدحت 

أثارت الجدل الإعلامية ياسمين عز، على مواقع التواصل الإجتماعي، بعد تقديمها نصيحة للمطلقات، منصفة الرجل كعادتها، خلال حلقات برنامج “كلام الناس”، المذاع على mbc مصر.

قالت ياسمين عز:” عزيزتي المرأة المطلقة، لما تطلقي من زوجك بإذن الله بعد الشر عليكي، اوعي تفكري إنك هتلاقي نموذج ظافر عابدين ده في المسلسلات بس، ياريت ننزل على أرض الواقع،  لأن الدراما في المسلسلات مش هتنفعك، حتى بيقولوا عليها من وحي خيال المؤلف، خيال يعني مش حقيقة”.

 وتابعت:” عارفه إيه الحقيقة اللي بجد إنك هتكتشف إن جوزك أو طليقك أحلى من كريم كراميل،  بس انتى مدتيش لنفسك فرصة تشوفيه كده، مش كل الناس ملايكه”.

أضافت ياسمين عز:” الطلاق مش سهل، والحياة مش عرض أزياء، هتختارى فيها على مزاجك تتجوزى شخص، وتطلقي منه عشان مش عاجبك، و تختاري واحد ثاني مفيش كده خالص، واللي عاشت التجربة دي تعرف الكلام ده”.

 استكملت ياسمين:” جوزك اللي مش عاجبك دلوقتي، هو ظافر عابدين بالنسبة لوحدة تانيه، خليكي واخده بالك من بيتك”.