السوق اللي بيحكم.. بوسي تكشف عن رأيها في صوت مصر

كتبت/ مي السايح

حلّت المطربة بوسي ضيفة في برنامج “عرب وود”، وكشفت عن رأيها في موضوع “صوت مصر”، والذي يُشكل أزمة بين الفنانين في تحديد من هو صوت مصر.

وقالت بوسي “: “أنا مش مع موضوع الألقاب، في الآخر كل واحدة وليها شكلها وستايلها وليها صوتها اللي تميزت بيه وأغانيها اللي تميزت بيها، كل واحد شايف إن المطربة اللي بيحبها هي دي صوت مصر وبقى في خناقات دلوقتي”.

وتابعت بوسي: “بس هو السوق اللي بيحكم مين صوت مصر ولا مين رقم 1 أو 2 أو 3، بس مينفعش أنا أقول على نفسي إني صوت مصر لكن لأ السوق اللي بيحكم الموضوع دا”.

يذكر أن آخر أعمال الفنانة بوسي الغنائية أغنية “زيه تاني”، وهي من كلمات حسام حسنى وألحان مدين وتوزيع وميكس وماستر يحيي يوسف.

كما شاركت في رمضان 2024 بتقديمها تتر مسلسل “أعلى نسبة مشاهدة” وأغنية “وبقينا في دنيا تلاهي”.