ربنا يوفقها بابن الحلال.. أول تعليق من الفنان وائل جسار بعد تصريحات أسماء جلال
علق الفنان وائل جسار على تصريحات الفنانة أسماء جلال، والتي روت فيها تفاصيل حِبها للفنان وائل جسار وأنها كانت من محبيه ومحبي أغانيه، وكانت تحضر كل أغانيه، كما التقطت صورة معه في إحدى حفلاته وأخبرته أنها ستتزوجه.
قال وائل جسار: “أشكرها على محبتها الكبيرة، وإن شاء الله ربنا يوفقها في حياتها الشخصية والفنية، تصريحاتها كانت تلقائية جدا، وعبرت عن حبها لي بشكل لذيذ جدا، أشكرها من كل قلبي”.
تابع معلقاً : “ربنا يوفقها بابن الحلال، واللي يحبها حب مالوش حدود، لأنها تستاهل كل خير، ونظرتي المستقبلية لها إنها ستكون نجمة كبيرة إن شاء الله”.
يُذكر أن كانت الفنانة أسماء جلال ضيفة في برنامج “معكم” والذي يقدمه الإعلامية منى الشاذلي، وقالت معلقة : “بحبه جدا.. كنت الشخصية الملزقة اللي بحط صوره في كل حتة، وبعدين الموضوع تطور وبقيت غريبة الأطوار جدا وبقيت أحضر حفلاته كلها”.
وأضافت : “بقى لما يعمل حفلة أكون أول واحدة عارفه مكانها فين وأحجز ترابيزة كاملة ليا عشان أركز معاه، وكنت ألبس فستان حتى لو الناس حواليا لابسة عادي عشان يشوفني، مع إنه متجوز .. فمش فاهمة أنا كنت بعمل ايه”.
اختتمت حديثها قائلة: “طبعا ولا أخد باله مني خالص لحد ما في مرة أعتقد خاف مني وقتها، لأن روحت له كنت عاوزة أتصور معاه، فقلت له عارف إننا هنتجوز؟ قالي والله!!.. كنت صغيرة والله العظيم وقتها يا جماعة.. لسه بحبه بس مش بعمل زي زمان، وربنا يبارك له في مراته وولاده”.
