“بحبكم بجد”.. فريدة سيف النصر توجه رسالة لفريق عمل مسلسل “العتاولة”

كتبت/ بسمة غربية 

ظهرت الفنانة فريدة سيف النصر ضيفة مع الإعلامية إنجي علي في برنامجها “أسرار النجوم” وتحدثت خلال الحلقة عن مشاركاتها في مسلسل “العتاولة”.

 وجهت فريدة سيف النصر رسالة لفريق عمل المسلسل: “بحبكم بجد وأديت كل اللي في قلبي بجد وأتمنى النجاح للكل بجد اللي بيحب ربنا بيعرف المحبة وبيحب كل اللي خلقه ربنا والروح اللي حاطتها في أي جسد، ما دام جواكي رحمة يبقى جواكي حب”.

تابعت الفنانة: “وأنا بقعد أشكر ربنا وبتخض من الحب وبلاقي مظاهرات لشباب تحت البيت عاوزين يتصوروا معايا، فأنا بقول لهم إني بحبهم رغم إني زعلانة لأني حبيت سترة وماتت”.

أردفت فريدة: “أنا مش حاسة إني عاملة أفضل ما عندي ما كانش عندي فرصة لده لأن كان فيه كاست كبير جدا فأنا كنت بعافر إني أعمل شغلي صح وأنا كنت وقتها سترة بجد مش فريدة”.

اختتمت الفنانة حديثها قائلةً: “سترة بالنسبة لي فيها كتير مني وأي شخصية قبلتها وحبيتها فيها مني، زي أصيلة في بدون ذكر أسماء، وأنا أي عمل بيفضل معايا”.