حلا شيحة: “الحجاب خطوة بتيجي من القلب”
كتبت / أسماء حليمة
تحدثت الفنانة حلا شيحة عن علاقتها مع الله، وعن رأيها في الحجاب، موضحة أن الحجاب شئ عظيم ويقرب العبد من ربه. قالت حلا شيحة في برنامجها الرمضاني “ع المسرح”: “كانت دايماً تقولنا انتوا عارفين ربنا.. شوفوا السماء الحلوة دي ربنا هو اللي خلقها، عارفين الزرعة الحلوة دي ربنا هو اللي خلقها”.
أكملت حلا: “ماما زرعت فينا التقرب إلى الله من خلال الطبيعة مضيفة بس وأنا صغيرة كنت بسرح كتير أوي واتسائل يارب انت فين”.
أضافت شيحة: “لما كبرت شوفت إن الحجاب صح بس أنا مش قادرة، وهذا غلط مني بس أنا مش قادرة»، مؤكدة أن الحجاب حاجة حلوة، وأنه جزء من المجتمع ولا يصح أن نقول على من يرتدي الحجاب صح ومن لا يرتديه لا، موضحة« كل واحد له مطلق الحرية أنه يعمل اللي هو عايزه”.
واصلت حلال شيحة حديثها قائلة: “الحجاب خطوة مبتجيش غير لما تحسيها من قلبك علشان تقدري تعمليها بصدق”.
واختتمت حلاب شيحة حديثها قائلة: “خطوة الحجاب روحياً أحيانا بتبقى أقرب، مضيفة، لكن ليس هذه فقط اللي هيخليكي أقرب، انت ربنا معاكي طول الوقت وانت مع ربنا طول الوقت سواء بحجاب أو من غير حجاب”.
برنامج ع المسرح برنامج ع المسرح تقدمه الإعلامية منى عبد الوهاب في السباق الرمضاني لعام 2024، والبرنامج تم تصويره بالكامل في مسرح نجيب الريحاني.
