مها أحمد: الست متسامحش في الخيانة وأنا عمري ما اتخانت

كتبت/ نوران عسكورة

عبرت الفنانة مها أحمد عن حبها الشديد لزوجها الفنان مجدي كامل وقالت عنه “سيدي وتاج راسي”، وذلك عندما حلت ضيفة في برنامج “أسرار” التي تقدمه الإعلامية أميرة بدر على شاشة النهار.

قالت مها أحمد: “مجدي بيحبني عشان حلوة وقمورة ومتجددة طول الوقت والكلام ده المفروض تعمله كل الستات، وأنا بتشقلب في البيت، وبيحبني كمان عشان شبه مامته، وست مكافحة وبيدلعني بيقولي يا وزة وحياتنا كلها متخرجش بره ولو هعيش معاه بـ 1000 جنيه أو 10 جنيه هعيش موافقة”.

أضافت مها: “جبت أجهزة بيتي كلها بالقسط ساعة الجواز، والست متسامحش في الخيانة وأنا عمري ما اتخانت وأنا ست كاملة متكاملة، وقمر وبحب أدلع واتدلع، ومجدي طول عمرنا أول مايرجع البيت بيناديني يا وزة وياخدني وأنا قصيرة كده في حضنه ويحط دماغي على صدره”.

تابعت: “ممكن أكون حسدت نفسي عشان متجوزة راجل زي الفل، دكتور وبقالنا 30 سنة متجوزين، مسبتش البيت مرة، بيعشقني وهو سيدى وتاج راسي وجزمته على دماغي، وأنا مبعرفش اتخانق”.

استكملت مها: “ساعات أكون متعصبة جدًا عليه لأني عصبية شوية ولما يخرج من الأوضة أقوله مجدي اعملي معاك شاي والموضوع يخلص، وهو استغرب ده في أول الجواز”.