بسمة وهبة تعرب عن رأيها في أزمة بوسي وطليقها هشام ربيع
كتبت / أسماء حليمة
علقت الإعلامية بسمة وهبة على رأيها في الأزمة التي حدثت بين المطربة بوسي وطليقها هشام ربيع، وذلك بعد تصريحات الفنانة الأخيرة.
قالت بسمة وهبة في تصريحات لها: “بوسي وهي معايا في الحلقة مغلطتش في هشام، وأنا كنت بتكلم مع واحدة مطلقة”.
تابعت بسمة وهبة: “اللي عرفته إنها بتحبه وهو بيحبها، فأنا بقولها في الحلقة ليه مترجعوش لبعض، لأني لاحظت إنها مبتغلطش فيه بالعكس كانت بتتكلم عليه كويس، قولتلها طب نهدي النفوس وتقوليلوا كلمتين حلوين في الكاميرا”.
واصلت وهبة: “ضغطت على بوسي ونسيت إن فيه زوجة موجودة أكاد أكون أخطأت، ولكن أنا شايفة إني مغلطش لهذه الدرجة، لأن هشام كان عنده زوجتين فلما يطلق واحدة وبعدين تقوله إنه لسه بحبك مش شايف أن ده يخرب البيت زي ما قال”.
أضافت بسمة: “بعد حلقة بوسي هشام رن عليا، قالي أنا بشكرك على الكلام اللي قولتله في حقي، وعرفت أنه بيعمل عمرة ومراته زعلت من الفيديو اللي أتعلم والجملة اللي قالتها بوسي”.
أكملت بسمة وهبة: “فوجئت بالفيديو اللي هشام عمله، أنا زعلت وكلمته قولتله أنا بعتب عليك لأن بوسي كانت زوجة ليك في يوم من الأيام، وأنت ابن بلد وشهم، وابن البلد ميعملش كدة في واحدة كانت على ذمته”.
أتمت بسمة حديثها قائلة: “أنا كان قصدي خير، أنا مستغربة أنه بيقولها أنتي خربتي بيتي، لما قالت إنها بتحبه طب بيته متخربش لما كانوا الاتنين على ذمته”.
