العوضي يطالب الجمهور المصري للإستمرار في حملات المقاطعة
كتبت/ مي السايح
طالب الفنان أحمد العوضي من جمهوره بالاستمرار في حملات المقاطعة للمنتجات الأجنبية التي تدعم الاحتلال الإسرائيلي وعدم شراء أي من هذه المنتجات.
كتب العوضي عبر صفحته الرسمية على الفيسب: “حملة المقاطعة لازم نستمر عليها حتى وإن توقف العدوان، إحنا أكبر قوة شرائية في العالم لازم نتعود أن إحنا مقاطعين لمنتجاتهم ومش عاوزنها وعندنا بديل لكل حاجة حتى وإن كان أقل جودة”.
تابع: “محدش بيموت من غير ماكدونالدز و بيبسي وكنتاكي وووووو … بل بالعكس أكلهم اللي بيجيبلنا الوبا والمرض ده أقل حاجه نقدر ننصر بيها دينا وإخواتنا وأقل حاجة نقدر نحارب بيها العدوان، إن إحنا منكونش سبب في أي جنيه يخشلهم ونعلم أولادنا أن المنتجات دي أصبحت من المحرمات يعني نغرس في أولادنا أن الحاجات دي اجباري أنك تقاطعها مع الوقت مقاطعتنا هتجيبهم الأرض”.
واختتم كلامه: “إخواتي أوعى تستهون بالمقاطعة ركعوهم وميكسبش منك جنيه، حملات المقاطعة مستمرة وهتستمر ويارب نفضل مكلمين حتى وإن توقف العدوان”.
يُذكر أن، تطوع الفنان أحمد العوضي في جمعية الهلال الأحمر وطلب من متابعيه التبرع لأهالي فلسطين ومساندتهم ودعمهم في وضعهم الراهن.
وكتب أحمد العوضي عبر صفحته الرسمية على الفيسبوك: “مساء الفل على كل أخواتي، طبعًا كلنا عارفين اللي بيحصل لأخواتنا في غزة أنا هنا في الهلال الأحمر المصري مع أخواتنا الأبطال المتطوعين في الهلال الأحمر”.
وتابع: “أنا عايز أطلب منكم حاجة إحنا خلاص نزلنا صور وبوستات والحاجات دي مش كفاية عايزك تتصرف تصرف فعلي مش مجرد كلام عشان ميبقاش أننا بس بنتفاعل بمجرد كلام، وإحنا من جوانا موجوعين على أخواتنا في غزة”.
