أول تعليق من إمام عاشور تعرضه للإصابة واستبعاده من كأس العالم للأندية
كتبت/آيه النجار
علق لاعب الفريق الأول لكرة القدم بنادي الأهلي، إمام عاشور، على الإصابة التي تعرض لها أثناء مشاركته أمام إنتر ميامي، في بطولة كأس العالم للأندية.
وحسم التعادل السلبي مباراة إنتر ميامي، و الأهلي، بدون أهداف، في اللقاء الذي أقيم فجر اليوم الأحد في الجولة الأولى من مونديال الأندية.
اثبتت الفحوصات الطبية التي خضع لها عاشور، بكسر في عظمة الترقوة، مما أدى إلى انتهاء مشواره في بطولة كأس العالم للأندية.
وقال اللاعب عبر ستوري الإنستجرام:” ما قدر الله لك فهو آت إليك، وما لم يقدره لك فلن يصيبك، الحمد لله على كل شيء الإصابة كانت صعبة وجت في أول لحظات ليا في البطولة، وده قدر ربنا ولازم نرضى بيه”.
أضاف:” كان نفسي أكون موجود وأقاتل مع إخواتي في الملعب، بس دا نصيبي ودلوقتي داخل اعمل العملية، وإن شاء الله أرجع أقوى، الإحساس اللي جوايا دلوقتي مش سهل، بس اللي مخليني ثابت هو إيماني بدعمكم ودعواتكم”.
اختتم:” المرحلة دي محتاجة منكم تبقوا ورا كل لاعب في الفريق، سواء قديم أو جديد، كلهم بيلعبوا بقلبهم وبيحبوا النادي وبيخافوا عليه صدقوني دعمكم بيفرق جدًا، واللاعيبة مستنياكم زي ما دايما واقفين في ضهرنا”.
