ملك زاهر تتلقى رسالة دعم من أنغام بعد أزمتها الصحية

كتبت / ريهام محمد

وجهت الفنانة أنغام على توجيه رسالة دعم واطمئنان للفنانة الشابة ملك أحمد زاهر، إعلانها عن تعرضها لوعكة صحية مفاجئة استدعت دخولها المستشفى مؤخرًا، وجاءت رسالة أنغام عبر حسابها الرسمي على موقع تبادل الصور والفيديوهات “إنستجرام”.

علقت أنغام على صفحتها الشخصية: “حبيبتي ملك سلامتك ألف سلامة ربنا يطمنا عليك يا رب الشفاء من عندك”.

كتبت ملك قائلة على صفحتها الشخصية: “حبيبة قلبي أنتي بحبك قد الدنيا شكرًا على سؤالك ودعائك بحبك أوي”.

في سياق آخر، قد كشفت الفنانة ملك أحمد زاهر عن تفاصيل الحالة الصحية لها عبر خاصية استوري صفحتها الشخصية على انستجرام معلقة: «عمري ما بنزل غير الحاجات اللذيذة أو الهزار أو أي حاجة إيجابية ولما كنت بنزل حاجة سلبية كانت بتبقى من وراها هدف وغالبا كنت باخدها بهزار بيني وبين صحابي».

أضافت ملك قائلة: «حبيت بس أقولكم إن الحياة مش وردي أنا بقالي 3 أيام تعبانة شوية وعندي حاجة لحد دلوقتي مش فاهمين سببها وجت فجأة وفي حوالي نص ساعة قبلها كنت زي الفل ومن ساعتها مش عارفة أنزل أو حد يشوفني بالي أنا فيه ده ونفسيتي وحشة أوي».

استكملت حديثها قائلة: «أنا بحكى الكلام ده عشان تعرفوا بس إن حياتي فيها الحلو والوحش والله زى أي حد بس أنا بحب دايما أشير الحلو بس وغالبا ده غلط فقررت أشارككم كمان الوحش» موضحة :«مع إن اللي بيحصلي دلوقتي أنا بحمد ربنا عليه وعارفة إنه بإذن الله هيكون حاجة بسيطة وإن شاء الله هخف وكله هيكون تمام».

أكدت: «الهدف من الاستوري دي مش إن أي حد يقلق لأن الحمد الله أنا هو مخلى نفسيتى وحشة أوى حقيقي كل اللى طالبة أنكم ماتحكموش على حد من السوشيال ميديا أو من ظهوره في أي حاجة لأنها بتورى بس يمكن 20٪ من حياته ادعولي أخف بسرعة وشكرا وأنا تمام مافيش حاجة مقلقة أنا بس حسيت إنى محتاجة أشارك الوحش زي ما أنا بشارك الحلو مش أكتر».

يعد مسلسل “سيد الناس”، الذي تم عرضه في الموسم الرمضاني الماضي 2025، هو آخر أعمال الفنانة ملك زاهر وحقق العمل نجاحًا كبيرًا، وتصدر ترند مواقع التواصل الاجتماعي.

تدور أحداث مسلسل “سيد الناس” حول شخصية جارحي أبو العباس، المعروف بـ”سيد الناس”، الذي يعيش حياة متوازنة بين التزاماته العائلية وعمله وبين اللهو بعد وفاة والده، يواجه حقائق صادمة وأسرار غير متوقعة تُغير حياته.