جهات التحقيق تستمع لأقوال والد زوجة عريس متلازمة داون في الشرقية
كتبت/ مي علوش
تستمع جهات التحقيق المختصة في محافظة الشرقية، اليوم الخميس، لأقوال والد زوجة عريس متلازمة داون بعد حفل الزفاف الذي أثار الجدل.
وفي سياق متصل، أمرت جهات التحقيق بالصالحية في محافظة الشرقية بحجز والدي عريس متلازمة داون بالشرقية وعروسته على ذمة التحقيقات بتهمة الزواج من قاصر عرفيًا .
وأوضح الأب، أن الزواج تم بطريقة شرعية، قائلا: “الرسالة اللي حابب أوصلها إن العريس والعروسة متجوزين شرعي، ومفيش حاجة غلط”.
وأضاف: “بنقول لأي حد عنده أولاد في ظروف مشابهة، اتقوا الله، لأن الكلام الجارح بيرجع لأصحابه، ويمكن يؤذي أولادهم بعد كده”.وروى الأب موقفًا مؤثرًا من نجله، قائلاً: “مرة جالي الساعة 12 بالليل وقال لي: يابا اخطبلي. قلت له: أنت اتجننت يا محمد؟ أخطبلك منين؟ شوفت عروسة؟ قال لي: مليش دعوة، عايز أتجوز”.
وتابع: “كلامه كان صادم وبدأت أدور له على عروسة في كل مكان، وربنا أراد له البنت دي، وهي أصرت عليه، وفي شهود على ده”.
ولفت الوالد إلى العلاقة القوية التي كانت تربطه بابنه، قائلاً: “والله ما كان بينام غير في حضني، ودلوقتي سابني. سألت العروسة: لو اتجوزتيه مش هتمشي؟ قالت: لأ، أنا راضية بيه، وشافته أكتر من مرة عند أخته في الشغل”.
