أحمد زاهر يثير القلق حول الحالة الصحية لابنته ملك.. تفاصيل
كتبت / ريهام محمد
أثار الفنان أحمد زاهر قلق جمهوره ومحبيه على الحالة الصحية لابنته ملك بعد تعرضها لأزمة صحية كشفت عن تفاصيلها.
أعلن زاهر عبر خاصية استوري صفحته الشخصية على انستجرام: “يارب انت شافي يارب” ليتسائل الجمهور حول طبيعة مرض ابنته ملك وتطورات حالتها الصحية بعدما كشفت عن تفاصيل مرضها مشيرة إلى أن الأطباء لم يحددوا سبب أزمتها الصحية بعد.
في سياق آخر، قد كشفت الفنانة ملك أحمد زاهر تفاصيل الحالة الصحية لها عبر خاصية استوري صفحتها الشخصية على انستجرام قائة: “عمري ما بنزل غير الحاجات اللذيذة أو الهزار أو أي حاجة إيجابية ولما كنت بنزل حاجة سلبية كانت بتبقى من وراها هدف وغالبا كنت باخدها بهزار بيني وبين صحابي”.
استكملت قائلة: “حبيت بس أقولكم إن الحياة مش وردي أنا بقالي 3 أيام تعبانة شوية وعندي حاجة لحد دلوقتي مش فاهمين سببها وجت فجأة وفي حوالي نص ساعة قبلها كنت زي الفل ومن ساعتها مش عارفة أنزل أو حد يشوفني بالي أنا فيه ده ونفسيتي وحشة أوي”.
أوضحت ملك: “أنا بحكى الكلام ده عشان تعرفوا بس إن حياتي فيها الحلو والوحش والله زى أي حد بس أنا بحب دايما أشير الحلو بس وغالبا ده غلط فقررت أشارككم كمان الوحش» موضحة :«مع إن اللي بيحصلي دلوقتي أنا بحمد ربنا عليه وعارفة إنه بإذن الله هيكون حاجة بسيطة وإن شاء الله هخف وكله هيكون تمام”.
اختتمت حديثها قائلة: “الهدف من الاستوري دي مش إن أي حد يقلق لأن الحمد الله أنا هو مخلى نفسيتى وحشة أوى حقيقي كل اللى طالبة أنكم ماتحكموش على حد من السوشيال ميديا أو من ظهوره في أي حاجة لأنها بتورى بس يمكن 20٪ من حياته ادعولي أخف بسرعة وشكرا وأنا تمام مافيش حاجة مقلقة أنا بس حسيت إنى محتاجة أشارك الوحش زي ما أنا بشارك الحلو مش أكتر”.
