“أنا غلط بس راجل”.. بيومي فؤاد يبكي ويوجه رسالة لمحمد سلام
كتبت/ بسمة غربية
وجه الفنان بيومي فؤاد سالة إلى محمد سلام وهو يبكي، وعدم دفاعه عن الفنان محمد أنور وقت عرض مسرحية “زواج اصطناعي”.
قال بيومي فؤاد: “إزاي يا سلام مدافعتش عن محمد أنور وهو ترشيحك كنت كل يوم بسأل ليه تعمل كده.. وأنا غلط بس راجل وهقول الكلام ده في كل برنامج أطلعه”.
تابع الفنان: “حقي عند ربنا بس ليه يا سلام مدافعتش عن محمد أنور بلاش عني أنا، ودافعت عن أمير كرارة بعد ما طلعت شائعات أنه مشاك من المسلسل وعن المخرج أحمد الجندي”.
أكمل بيومي: “أنا كبير محمد سلام وأنا المرجع بتاعه، وكلمته لما اعتذر عن المسرحية وقالي أنا مش قادر أنت شايف الأطفال اللي بتموت.. وقولتله بدعي ليهم قبل ما بدعي لأولادي وده أكل عيش وفيه ناس كتير بيوتهم مفتوحة من الحاجات دي”.
جدير بالذكر أن آخر أعمال بيومي فؤاد هو مسلسل “الكبير أوي 8″، وضم العمل عدد كبير من النجوم، ومن أبرزهم: أحمد مكي، رحمة أحمد، محمد سلام، وعدد آخر من الفنانين، والعمل من تأليف مصطفى صقر وإخراج أحمد الجندي.
