أحمد داود: فيلم الهوا سلطان جرأ المنتجين على تقديم أعمال رومانسية
كتبت/ نهى مدحت
تحدث الفنان أحمد داود، عن نجاح فيلمه الأخير “الهوا سلطان”، الذي تعاون خلاله مع الفنانة منة شلبي، واعرب عن سعادته الكبيرة ورضاه التام عن التجربة.
قال داود، خلال ندوته بمهرجان المركز الكاثوليكي للسينما:” نجاح الهوى سلطان خض المنتجين وأرقامه فاجئتنا، ومؤمن أن الشخص لما بيخلص في العمل ربنا بيكرمه وبينجح، وأنا محظوظ لأن كل العوامل متوفرة في الفيلم وحقق أرقام وإيرادات كبيرة في مصر وبرا”.
تابع:” المخرج لو عينه أمينه وحلوة الشغل هيطلع كويس، وعمر ما مخرج قالي نغير وقلت له ليه، ولما عملنا شغل حلو في اللوكيشن كل الناس سقفت لنا”.
تحدث ايضا عن حركته الشهيرة خلال أحداث فيلم الهوا سلطان:” حركة أنفي في الفيلم عفوية لكن المخرج قالي إنه إبداع عشان بتعبر عن الكذب”.
اضاف:” صورنا كل مشاهد الفيلم في شوارع حقيقية ومعنديش ولا كلمة أو مشهد في مونتاج كله مظبوط، والفيلم جرأ المنتجين على تقديم أعمال رومانسية”.
اختتم حديثه:” اسم الهوى سلطان جه فجأة كان في الأول اسمه سارة وعلي أو قاعة الأوركيد بعدها اقترحنا الهوى سلطان عشان أغنية جورج وسوف، وبهاء سلطان”.
