بدون نفخ بدون بوتوكس.. محمد صلاح العزب يبحث عن ممثلة لدور قصير في فيلم
كتبت/ نهى مدحت
أعلن الكاتب والسينارست محمد صلاح العزب عن رغبته في مشاركة وجه نسائي جديد، بأحدث أعماله الفنية.
تحدث العزب عبر منشور على حسابه على فيس بوك:” مطلوب ممثلة من ٣٥ لـ٤٠ سنة لتديم دور أم في فيلم قصير.. والشروط أن تكون بملامح طبيعية زي ما ربنا خلقها، بدون نفخ، بدون بوتوكس، بدون فيللر، بدون مايكروبليدينج، بدون هوليود سمايل، بدون دكتور تجميل”.
من جانب آخر أوضح العزب عبر حسابه الشخصي على موقع التواصل الاجتماعي “فيس بوك” عن حزنه من الحال الذي وصلت إليه السينما المصرية “على حد وصفه”.
حيث كتب العزب:” أنا اليومين دول بتفرج تاني بالترتيب على أفلام عادل إمام.. وكل ما أتفرج على فيلم يا أخي أتحسر على حال السينما دلوقتي.. وأبقى قادر أفهم هو ليه مفيش غير عادل إمام واحد”.
تابع:” بس الزعيم ربنا يديله طولة العمر والصحة والسعادة، مع كاريزمته المفرطة ونجوميته الكبيرة مكانش شغال لوحده زي نجوم الأيام دي.. كان في صناعة سينما كاملة حقيقية، ومبدعين كبار بنفس حجم عادل إمام نفسه في التأليف والإخراج والإنتاج والتصوير والمونتاج والديكور والموسيقى، واللي ميز عادل إمام وقتها هو دماغه واختياراته ووضوح هدفه قدامه”.
اخيرا :” لكن دلوقتي إحنا مفتقدين كل ده، والممثل أو المؤلف أو المخرج اللي بيحاول يعمل حاجة هو بيتحرك بطوله، وفي كل مرة بيبدأ يخترع العجلة وللأسف العجلة بترجع إلى الخلف”.
