هالة صدقي: الفن ملهوش أمان وعملت بيزنس خاص عشان أحترم نفسي
كتبت/ نهى مدحت
حققت هالة صدقي، نجاحًا كبيرًا في الموسم الرمضاني الحالي، من خلال مشاركتها في مسلسلي «إش إش»، و«قهوة المحطة».
تحدثت هالة صدقي، خلال لقاءها في برنامج «خيمة onetake»، عن العديد من الأشياء وأهمها أن يكون للفنان بيزنس خاص به بجانب الفن.
قالت:” لازم الفنان يحترم نفسه ويحترم تاريخه وده سبب يخليه يكون عنده بيزنس خاصة بعيد عن الفن لأن الفن ملهوش أمان، أو تقبل بأي دور يجيلك عشان تقدر تشتغل”.
استكملت حديثها عن نجاح شخصية شادية في مسلسل إش إش، قائلة:” يهمني جدًا أن الناس تتوقع أن هعمل ايه، كوميدي ولا درامي، وده اللى خلى الناس تتفاجأ في الأول من شخصية شادية وإلا كانوا بيقولوا أني بقلد شخصية صفصف”.
عن محمد سامي قالت:” محمد سامي فنان نادر ومخلص في شغله وده بيجي على أعصابه بشكل كبير، وبتمني ميكررش تجربة أنه يعمل مسلسلين في موسم واحد، لأن ده بيأثر عليه وهو سبب قراره في الاعتزال، لكن هيرجع الموضوع مش بمزاجه”.
أشادت صدقي خلال اللقاء بفريق عمل مسلسل إش إش:” انتصار كانت مفاجأة وكنت بتابع معاها كل يوم لحد ما اتأكدت أنها مضت على الدور، ومي عمر أثبت نفسها بجدار، وعصام السقا وشيماء سيف عاملين أدوار جديدة، وإدوار ودينا كمان، والمفاجأة في الأيام اللى جاية هو ماجد المصري”.
حرصت صدقي على الإشادة ب إلهام شاهين وشخصيتها في مسلسل “سيد الناس”،قائلة: “عاملة شخصية جديدة وحلوة وأنا اللى كنت بزن عليها عشان تنزل تشتغل المسلسل، وبقول ليسرا أنتي أخدتي فترة الراحة بتاعتك ولازم ترجعي تشتغلى”.
