تعرضت للتحرش وانا صغيرة ومش هخلف.. أبرز تصريحات الفنانة آية سماحة

كتب/ مي السايح

حلّت الفنانة آية سماحة ضيفة في برنامج “أسرار” المذاع عبر قناة “النهار”، والذي تُقدمه الإعلامية أميرة بدر، وكشفت خلال الحلقة العديد من أسرار حياتها، وعلاقة والدها ووالدتها.

وكشفت مُعلقة عن مرورها بأزمة مادية حادة: “كنا في مستوى معين، ولما الفلوس قلت كتير فضلت وسط ناس في نفس المستوى، لكن أنا مبقتش في نفس المستوى، اتعلمت من الموقف ده إني مينفعش أقول دي الظروف، كل واحد بيتحمل ظروفه، مريت بفترة معدنيش شغل، فابتديت أفكر إزاي أعمل فلوس، بعت هدومي وحاجات بتاعتي مش عايزاها على إنستجرام”.

وتابعت:” اشتغلت في شركة سياحة، وخرجت من الجامعة في سنة تالتة، وبدأت آخد ورش تمثيل علشان ده اللي بحبه، اتعرضت للتحرش بس عرفت أتعامل، كنت صغيرة جدا 11 أو 12 سنة، ولما كنت أروح أقول لأمي كانت بتعرفني إزاي أتصرف في المواقف دي وكانت دايما في ظهري”.

وتابعت: “وكمان تجربة العمل في مجال الإعلانات اللي مريت بيها في سن صغيرة علمتني كيفية التعامل مع التجاوزات، من أول ما بدأت مجال الإعلانات، حد حط إيده على بشكل سخيف، وعرفت أقول له إيدك لأقطعهالك”.

كما تحدثت عن إنفصال والدها ووالدتها : “نصحت بابا وماما بالانفصال، كان بينهم مشاكل كبيرة وخناقات وكلام سخيف مش عايزين نسمعه، مكنتش شايفة حب في البيت، ولا علاقة صحية بين أب وأم، وشايفة إنهم متوترين جدا مع بعض، وكان الانفصال أفضل للاتنين، بابا كان راجل وسيم وجنتل، اتجوز على ماما، وهي بعد الانفصال اتجوزت هي كمان”.

كما أعلنت عن عدم حُبها للإنجاب حاليًا معلقة: “ليه أجيب بني آدم وأنا لسه مش عارفة أربي دلوقتي ومش عارفة ايه الصح وايه الغلط، انا لسه بكتشف”.