أقلد مين يا صاحبي أنت اخترعت ايه.. أحمد العوضي يثير الجدل بتعليقه على مسابقات رمضان
كتبت/ نهى مدحت
رد أحمد العوضي على الانتقادات التي وجهت إليه، واتهامه بتقليده بعض الفنانين في تقديم مسابقات رمضان.
أضاف العوضي في تصريحات لبرنامج “الراديو بيضحك”، على “الراديو 9090″، تقديم فاطمة مصطفى: “إحنا مش في مدرسة أقلدك إيه يا صاحبي هو انت اخترعت ايه”.
تابع:” أنا بقدم مسابقات وبقالي سنتين عملتها وقولت عملتها لية، فكرة النجوم يعملوها ليه لا مدام الناس بتستفاد وخير بيعم على الناس معنديش حتة فلان قلدك ومقلدكش كلنا في الآخر بنعمل حاجة حلوة شوفتها فبتعملها، ده مش عيب”.
استكمل العوضي حديثه: “لما الناس تعمل مسابقات دي حاجة حلوة متضايقنيش كأحمد في الآخر كلامي مع أخواتي واحنا بنعمل مسابقات مع بعض طول السنة، في حد زميلي او زميلتي عملها على رأسي كل واحد بيكلم الناس اللي بيحبوه”.
يخوض احمد العوضي دراما رمضان بمسلسل “فهد البطل”، من تأليف محمود حمدان، إخراج محمد عبد السلام، إنتاج شركة سينرجي، ويشارك في البطولة بجانب احمد العوضي، ميرنا نور الدين، أحمد عبد العزيز، لوسي، عصام السقا.
