مشهد واحد يوازي 10 أفلام.. أول تعليق من أحمد حلمي على مشاركته في فيلم “ضي “
كتبت/ مي السايح
أعلن أحمد حلمي عن مشاركته كضيف شرف في فيلم “ضي”، وأعرب عن سعادته برغم من صغر حجم الدور.
وقال أحمد حلمي، خلال لقائه ببرنامج سينماتك: “أنا مؤمن إن في الدنيا دي في حاجات بتناديلك، والكلمة اللي كنت بسمعها طول الوقت لما قولت هعمل المشهدين أو تلاتة دول وكأن الفيلم هيتضاف له حاجة، طول الوقت بيقولولي كده وأنا طول الوقت بقولهم مش كدا”.
وأضاف: “طول الوقت بقولهم إن الفيلم هو اللي هيضيف لي أنا حاجة، وقد كان، النهاردة أنا واقف في برلين بفيلم مصري، وسعيد جدا وفخور، أحيانا ممكن تطلع مشهد واحد يوازي 10 أفلام، أنا النهاردة موصفلكش مدى سعادتي بالدور الصغير اللي أنا عملته في الفيلم ده، وإن أنا كنت جزء ولو بسيط في هذا العمل الرائع، الناس رحبت أوي بالفيلم، أنا كنت مذهول برد الفعل”.
وتابع: “الأول أنا مخدتش فلوس في الفيلم، والحاجات بتناديلك أنا كنت معجب بالدور، ولما جالي كنت شغال فقولت مش هعمله لغاية ما تلف الأيام ويخلصوا تقريبا تصوير ما عدا المشهدين دول، فبسأل عليهم بالصدفة قالولي لسه ماتعملوش، فشبطت فيهم، هذا الفيلم إضافة ليا وأنا فخور حتى لو كانوا كام جملة إن أنا أشتغل معاكم”.
