حسن الرداد: ياريتني اتجوزت من زمان وإيمي غيورة جدا
كتبت/ نهى مدحت
كشف حسن الرداد عن رأيه في الزواج، وكواليس حياته الزوجية مع الفنانة إيمي سمير غانم.
أضاف الرداد عبر تصريحات تلفزيونية:” أنا بنصح كل الناس تتجوز بدري، هو فيه تعب شوية بس الجواز بدري حلو، وبقول دايمًا ياريتني اتجوزت من زمان”.
أضاف:” لو إيمي قالتلي متشتغلش مع ممثلة معينة، هسمع كلامها ومش هشتغل، بس هي مش بتقولي كده، لكنها غيورة جدًا علي، وأنا ببقى غبي لما بغير على إيمي”.
يذكر أن الرداد تحدث عن سبب غياب زوجته الفنانة إيمي سمير غانم، عن الدراما الفترة الماضية، قائلا:” أنا بقول لـ إيمي إنتي سمير غانم وهو صغير، لازم تعملي لنا أفلام ومسلسلات كوميدية لأن عندها موهبة كبيرة”.
تابع الرداد:” وحرام تبقى عندها طاقة كوميدية ومكسلة إنها تشتغل، وكان في ظروف مرت بها العيلة خلتها مش عايزة تشتغل وقعدت أضغط عليها وأحمسها ترجع تشتغل”.
استكمل حديثه عن عودة زوجته إيمي سمير غانم، قائلًا:” والمنتجين السنين اللي فاتت كانوا بيكلموها ويبعتولها أفلام ومسلسلات، إن شاء الله ترجع بقوة في مسلسل عقبال عندكوا في رمضان 2025″.
