ياسمين عز تفكر في تقديم برامج تعليمية للأطفال

كتبت/ نهى مدحت

كشفت الإعلامية ياسمين عز، عن تفكيرها في تقديم برنامج للأطفال، بعد النجاح الذي حققته ببرنامجها “كلام الناس” وخاصة لدى الأطفال.

قالت ياسمين عز ببرنامجها “كلام الناس” عبر شاشة mbc مصر مساء الأحد: ” برنامج كلام الناس براند أصلي مش تقليد، بقالنا شهرين ترند (لؤة) متصدر مواقع التواصل الاجتماعي”.

تابعت عز:” بكون سعيدة جدًا لما زوجين يعملوا فيديو على ترند كلمة (لؤة)، وكمان بسعد بجمهوري الجديد وهم الأطفال، مفيش طفل أو طفلة في مصر معلموش فيديو على (لؤة) مستحيل”.

أضافت ياسمين:” قد إيه أنا سعيدة برد فعل الناس، بفكر دلوقتي إني أعمل جنب هذا البرنامج أعمل برنامج صغير للأطفال، مش أي حد يقدر يوصل للأطفال”.

اختتمت حديثها قائلة:” الطفلة مش بتحفظ الدرس بتاعها قد ما بتحفظ الحلقة، ممكن بعد كده نفكر نعمل برامج تعليمية صغيرة للأطفال، الملائكة أحباب الله، سلاحف النينجا”.