ياسمين عز في عيد الحب: الراجل الصح لازم إيد مراته تشخلل من الدهب
كتبت/ نهى مدحت
قدمت الإعلامية ياسمين عز نصيحة للأزواج حول الهدايا المناسبة لعيد الحب، مؤكدة أن الذهب هو الخيار الأفضل، والورد أصبح ملغي.
قالت ياسمين خلال برنامجها “كلام الناس” عبر شاشة ام بي سي مصر:” بالنسبة للمتزوجين في عيد الحب، مفيش حاجة اسمها ورد، منذ اختراع الذهب والألماس لغوا الورد، الورد الأحمر يا مدام هدية تكميلية ملوش لازمة، وبيجيب حساسية، ويشفط الأكسجين من البيت”.
أضافت:” الشوكولاتة الحمرا بتتخن، والدباديب الحمرا؟ هي مش في حضانة يا حبيبي!”.
كما قدمت نصيحة حول ألوان الهدايا، قائلة:” كلنا عارفين إن الراجل ميعرفش في حياته حاجة حمرا غير تيشيرت الأهلي، خليكي ناصحة يا مدام وغيري الألوان، بلاش أحمر، أخضر أو أصفر، الأخضر هنا رمز الدولار، والأصفر رمز معدن الذهب”.
شددت ياسمين عز على ضرورة تقديم هدية ذهبية للزوجة، قائلة:” إنت هتجيب لها النهاردة كرسي جابر ينور في رقبتها، دهب زينة وخزينة لها ولعيالك وللبيت، ولو كرسي جابر غالي عليك، ولا يهمك، ظرف فيه 10 آلاف جنيه أو 10 آلاف دولار أيهما أقرب، شيك على بياض أو وصل أمانة، كردان دهب صغيرون زي بتاع جدتك، أو خاتم ألماس بسيط 2 جرام أو 2 جرام ونص. لازم تنور إيدها الشقيانة بخاتم يفرحها، وبالنسبة للورد هاته لمامتك، هدية جميلة ومزية”.
واختتمت حديثها برسالة للرجال:” الراجل الصح لازم إيد مراته تشخلل من كتر الغوايش والدهب، عايزة إيدها توجعها من تقل الغوايش عيار 24، ولو في عيار 34 هاته! وما تنساش تدلع مراتك بكلام رومانسي علشان تفتكرك بدعوة حلوة لما تموت، بعد الشر عليك”.
