ابنة ممدوح وافي تكشف حقيقة اعتزالها الفن بعد زواجها

كتبت/ مي السايح

نفت الفنانة ياسمين وافي ابنة الفنان الراحل ممدوح وافي، شائعات اعتزالها بعد زواجها، وأكدت بأنها أخبار لا صحة لها.

وقالت ياسمين وافي عبر حسابها الرسمي على الفيسبوك: ” إلى من يهمه الأمر من متابعين وصحافيين محترمين ردا على سؤالكم المتكرر بعد ظهور فيديو بتداوله كذا صفحة مجهولة بيتابعهم قرابة المليون followers، بيأكد خبر اعتزالي بعد الزواج وقفلي لمواقع التواصل الخاصة بيا وحاجات تانية كتير بسم الله ماشاء الله كلها غلط ماعد اسمى أنا وشادى جوزي”.

واستكملت قائلة: “أنا مكنتش ناوية أعقب أو أهتم ورفضت نصايح مقربين ليا بعتولى الفيديو وقالوا لازم أنفي موضوع الاعتزال والكلام الوارد فى الفيديو بس أنا تخيلت أن الخبر مغلوط وساذج بما فيه الكفاية وعبثي بشكل واضح لأي شخص يعرفني أو مايعرفنيش وخصوصا أنى بعد جوازي بأقل من شهر نزلت صورة مسلسل (لانش بوكس )و نزل فيلم( migration )اللى دبلجته أو وشادى بعد الجواز غير بروفات المسرحية حاليا فمهتمتش وشوحت بأيدى كده”.

وأضافت: “لكن للأسف بعد مكالمات ورسايل كذا صحفي أو إعداد برنامج عايزين يستضفوني عشان يتم تأكيد أو نفي خبر الاعتزال اكتشفت أن أصدقائي عندهم حق وللأسف أنا فعلا مضطرة أطلع أوضح الواضح وأنفي خبر اعتزالي بعد الجواز رغم المسلسل والفيلم اللى عملتهم بعد الجواز”.

واختتمت : ” وانفي من موقع تواصلى الاجتماعى هذا انى مقفلتش مواقع للتواصل الاجتماعي وأنفي لكل ماذكر فى الفيديو لانه كله غير صحيح بالمرة ولذلك محبتش أنشره عشان ما ميشوفهوش عدد أكبر وهاكتفى أني أنشر screen له عشان يتعمل له reports وscreen لصفحة من اللى بينشروا الفيديوfollowers وأتمنى نعمل اللازم معاهم ونفهم ايه بقى مصدر العبث ده”.